झापा,चैत २५ ।
पूर्वी नेपालको झापामा भारत संगको खुल्ला सीमाका कारण बारम्बार रुपमा वर्डफ्लुको संक्रमण देखिन थालेपछि जिल्ला प्रशासन कार्यालय झापाले सिमा क्षेत्रमा रहेका कुखुरा तथा पक्षिजन्य फर्महरुमा कडा निगरानी सुरु गरेको छ । बिना ईजाजत सञ्चालन भएका फर्महरु बन्द गराईने र ईजाजत लिएर सञ्चालन भएका फर्महरुको समेत कडा निगरानी गरिने झापाका प्रमुख जिल्ला अधिकारी नरेन्द्र शर्माले बताउनुभयो । झापामा सिमा आसपासमा दर्जनौ कुखुरा फर्महरु रहेको छ ।
चारबर्ष पहिले नेपालमा नै पहिलो पटक झापामा वर्डफ्लुको संक्रमण देखिएको र यो अबधिमा आठौ पटक पुन बर्डफ्लुको संक्रमण देखिएपछि प्रशासनले सिमा क्षेत्रमा रहेका पोल्ट्रि तथा पंक्षिजन्य फर्महरुमा निगरानी बढाउन अग्रसर भएको हो ।
प्रमुख जिल्ला अधिकारी शर्माका अनुसार भारतमा सस्तो रुपमा चल्ला तथा यसको दाना पाईने भएकाले यहाँका केहि ब्यवसायीहरु त्यहि निर्भर रहने भएकालेझापामा भारतबाट नै वर्ड फुलु फैलिएकाले सिमा कडाई गरीदै आएपनि लुकाई छिपाई भारतबाट कुखुराका चल्ला तथा पंक्षि र पंक्षिजन्य सामाग्रिहरु ल्याउने गरिएकाले त्यसैको माध्यमबाट रोग फैलने खतरा बढेको हो ।
No comments:
Post a Comment